بسم الله الرحمن الرحيم … يوم الثلاثاء الماضي كان آخر يوم في اسبوع اختبارات الاورثو الطويل … وخلصنا المادة هذي … صراحة ما ادري كيف اعبر عن المادة هذي … مادة احسها مزاجية على حسب الدكتور … كل واحد له طريقة … ويمكن لهذا السبب مجال الابداع فيها كبير … المادة بكل صراحة في اولها كنت اكرها وعلى نهايتها اختفى الكره … لكن للاسف ما حبيتها مثل كل المواد الي اخذناها الى الآن في السنة هذي المزيد …
بسم الله الرحمن الرحيم … يوم الثلاثاء كان آخر اختبار لنا … واخييييييييييرا خلصنا الدورة الرباعية … صراحة كانت الدورة فيها من الضغط الكثير … وخاصة في الاخير … الدورة فيها اربع مواد … طب نفسي … جلدية … عيون … انف واذن وحنجرة … المواد كانت مرة حلوة … ومبين انها صغيره … لكن كانت دسمة … الحمدالله ما كرهت ولا مادة فيهم … لكن اعتقد انهم يستحقون وقت اطول … اهم شييييييي اننا خلصنا … واهم من ذلك انه ما عاد فيه مشوار الصباح … وان شاءالله ما عاد فيه قومة من ست الصبح … وان شاءالله يكون القادم احلى … بعد الاختبار رحنا ستيك هاوس … لعل نفضي شوي شحنات … جلسنا فيه نصارخ ونسولف … وما نسمع الا الاش اشات … حاولوا يسكتونا … حاولوا يطردونا … لكن وين نروح 
… نخليكم مع الصور المزيد …
بسم الله الرحمن الرحيم … يوم الاربعاء كان آخر اختبار لنا في اول سايكل لنا للسنة هذي … سايكل السايك والديرما … صراحة ما ادري وش اقول في الدورة هذي … اول شي غيرت نظرتي للمادتين … حسيت انهم جدا مهمة بعكس الي كنت اعتقده … اعجبت فيهم حتى لو ما افكر اتخصصهم … اكثر شي عجبني في المادتين انه اعتمادهم على الانفستقيشنز قليل بعكس التخصصات الثانية … حسيت في الدورة هذي انه حظي زفت بشكل غير طبيعي … المزيد …
بسم الله الرحمن الرحيم
مع بداية العام الدراسي الجديد حدث تغيرات جذرية لقروب A5 بعضها كان مدروس البعض الآخر كان غصب عنا … اول شي فرقتنا الشعب وصرنا مقسمين على 3 مجموعات … اديب , احمد , بدر , عبدالرحمن , عبدالمجيد , سعد , صالح , عمر ,مهند , نايف , يزيد صحيح انه ما صرنا مجموعة وحدة لكن سوف بقى قلب واحد مهما صارت الضروف وسوف يبقى ليدرنا نايف , واتمنى انه نستغل هذا الشي لصالحنا وانه نفيد بعضنا باكبر قدر ممكن , صحيح السنة الماضية عشنا احلى ايام حياتنا لكن ان شاءالله الايام الحلوة بتستمر مع بعض
استمتع في قروب بي 1 يا أباضاي
و ما تعتل هم….نحنا معك و راح انضل قروبك….. نحنا رجاااااااال ايييييييه شو لاكان!؟
و لك العين تطرأك ياللي في بالي شو غليييييز ,,,,,,,يعدمينياه ان شاالله
يبعتلهون حمى كلياتهون
السلام عليكم ورحمة الله وبركاته
طبعا الاختبارات النهائية صار لها اسبوع بادية ولا احد كتب شي عنه :P
طبعا السبب مني خربت شي في المدونة ولا أحد يقدر يدخل على لوحة التحكم, لكن تقدرون تكتبون تدويينة مباشرة من برنامج الوورد الجديد وتدخلون اليوزر وهو ينشرها لكم
لين ما اشوف صرفه مع الي سويته :P
الزبدة الاختبارات بدت الجميع مشغول
دعواتكم للجميع عندنا السبت مدسن
اي شي ودكم تقولوه
تفضفضون
تفشون خلقكم
تسبون :P
خذوا راحتكم
دعواتي للجميع
وتحياتي
يوم الأربعاء بعد الظهر، كنا بانتظار طويل لدكتورنا القدير رضوان زيدان الذي تأخر علينا حتى الساعه الثالثه، و من الفضاوه، أو الجوع، أو أي كان، قام بعض الشباب بالتباهي فيما بينهم بمقدرتهم على إلتهام الطعام، و إذا بصديق القروب، مؤنس، يقترح تحدّيا على من يأكل أكبر عدد من التشيزبرغرز من ماك، اعتذر السنيدي فورا، و قام أحمد يهايط! و وافق بدر و عبد المجيد، على أن يدفع الخاسر ثمن كل الطلبات.
بسم الله الرحمن الرحيم … طبعا اتوقع الدفعة لاحظت غياب معظم اعضاء قروب A5 يوم الاربعاء الماضي والسبب في ذلك انه كنا مشاركين في المؤتمر السنوي الخامس للـ ACS الي اقيم في مستشفى الملك خالد الجامعي يومي الاربعاء والخميس الماضيين. قبل ما ابدأ اتكلم عن المؤتمر ابي انبه لشيئين اول شي في ناس زعلوا منا ونعتونا بالـ ****** فأبغى اقول لهم اول شي الله يسامحكم وثاني شي احنا قلنا انه سجلنا في هذا المؤتمر من اول يوم سجلنا فيه والله يجزى سعد الف خير كتب موضوع في نفس اليوم على المدونة ويعني مو معقولة بنسجل لدفعة كلهاز الشي الثاني الي ابي اقوله انه مؤتمر كان روعة بكل ما تعنيه الكلمة, سواءا من حيث التنظيم او من حيث الفائدة فالي ما سجل السنة هذي اتمنى ما يضيع عليه الفرصة السنة الجاية, وعلى فكرة فيه مؤتمر عن الـ ECG بعد فترة راح يقام في المستشفى لنفس المنظمين واتوقع راح يكون على نفس المستوى فالي ما عنده شي اتمنى يروح يستفيد منه.
.jpg)
بسم الله الرحمن الرحيم … اكمالا للموضوع السابق عن الخدمة الجديدة المقدمة من A5 جوال علمني حيث من المقرر ان تبدأ الفترة التجريبية السبت المقبل لعشرين شخص فقط ولمدة عشرة أيام وبعد ذلك سنتقصى انطباعهم عن الخدمة اذا كانت الفكرة جيدة وناجحة سيتم فتح التسجيل المجاني لمن يشاء. المسجلين حتى الآن 13 شخص, بقي 7 لمن يريد ان يكون من ظمن المشاركين في تجربة هذه الخدمة يمكنه تعبئة البيانات في الأسفل, علما انه سيتم قبول اول 7 اشخاص مستوفين للشروط. الشروط بسيطة فقط يجب ان يكون الشخص من طلاب السنة الثالثة في الكلية.
بسم الله الرحم الرحيم … اتوقع اغلبكم عرف بأمر الرسالة الي قرأها لكم عمر في سشن السيرجري … واتوقع نايف ما خلى احد ما قال له … طبعا عدا انا … المهم انه الرسالة ايه كانت مني … واتوقع انها ابدا مو مهمة … لذلك ما رسلتها لأحد … الرسالة شفتها في جوال اخوي … كانت عن كيسات الي ممكن تجي في الاختبار … يعني الحالات التي ممكن كانت راح تجيهم … وبس حبيت اقول البهارات الي وضعت في السالفة … الي اعرفها والي ما اعرفها … مو صحيحة
أهلاً !!
لاتتصورون مدى شوقنا ولهفتنا لكم والتسلط عليكم بأوامرنا المحببة إلى النفس..!
تحية من الديار البعيدة، من ديار نصف القمر، من ديار الهاف مون، الخـــبــــر ..!
قمنا بحضور فعاليات اليوم الاول وكان يوماً ممتعاً وطويلاً نوعا ماً
وهذه صورتنا في المؤتمر، وسوف نوافيكم بالتفاصيل قريبا بإذن الله
تحية عميقة من القلب
الليدر/ نايف العتيبي
نائب الليدر/ بدر الصيخان
دمتم بخير..!
إنطلقت الحملة الثانية لمذاكرة مادة الجراحة العامة، حيث بدأ أفراد القروب العزيز بالتكالب على كتب ومذكرات الجراحة، بحثا عن المعلومة المفيدة، بحثا عن الفائدة، بحثا عن الدرجات…أيضاُ.
هذا وقد تقرر انعقاد الاختبار في يوم الأربعاء القادم، الساعة الواحدة ظهراً.
يتقدم قروب A5 بالتهنئة والتبريك لزميلهم العزيز ابو شوشة على سلامة فلاشه العزيز, حيث خرج الفلاش سالما معافى بعد ساعتين قضاها في الغسالة. هذا وقد اجري للفلاش عملية الانعاش القلبي والرئوي فور خروجه من الغسالة, ولولا لطف الله ثم نباهة زميلنا العزيز لالتحق الفلاش بأسلافه ممن سبقوه. الفلاش الآن يتمتع بصحة جيدة ورائحة زكية. تعد هذه الحالة الأولى من نوعها لدى ابو شوشة, لكن قروب A5 يتمتع بحالات مشابهة سابقة. ويذكر أن للفلاش له اكثر من خمسة شهور مع ابو شوشة, وندعو الله ان تستمر العلاقة معهم الى نهاية السنة بدون شوائب او حالات مشابهة.
ختم بيان الهيئة الاعلامية لقروب A5
في يوم الاربعاء الموافق 27/2 من عام الفين وثمانيه للميلاد
قام احد اعضاء القروب المخلصين بالتضحيه والوفاء
حيث انه صمد امام احد الدكاتره الشرسين وقام بتحضير اخوانه واحبائه مخالفا لجميع الانظمة العرفية والقانونيه الدولية والمحليه
معرضا حياته الطبية والمهنيه لخطر جسيم فدا للقروب
ولكن لون القلم خانه فكشف عن السر المخبئ
